us pe kyun marte hain kyun uski tamanna dil mein hai

us pe kyuuñ marte haiñ kyuuñ us kī tamannā dil meñ hai

baat kuchh khultī nahīñ jo ḳhanjar-e-qātil meñ hai

duur sāġhar kī tarah gardish hai ahl-e-bazm ko

aap se bāhar hai vo jo aap kī mahfil meñ hai

dekhiye aakar yahāñ rañgīn phūloñ kī bahār

ik shagufta baaġh hai jo daaġh mere dil meñ hai

nāseh-e-mushfiq nasīhat apnī rahne dījiye

ishq kā jauhar azal se mere āb-o-gil meñ hai

ek hī sūrat ko do kar ke dikhā detā hai ye

jauhar-e-ā.īna-pinhāñ ḳhanjar-e-qātil meñ hai

ġhair hañstā hai udhar mujh ko lab-e-jāñ dekh kar

maiñ idhar ḳhush huuñ ki kashtī dāman-e-sāhil meñ hai

hosh kis ko hai jo le uTh kar qiyāmat kī ḳhabar

dam ba-ḳhud har ik adam kī pahlī hī manzil meñ hai

hashr meñ ham daad chāheñ aur un ke sāmne

ro.ab itnā hai ki muñh kī muñh meñ dil kī dil meñ hai

qabr meñ aate hī raushan ho gayā mahshar kā haal

āḳhirī manzil kā manzar pahlī hī manzil meñ hai

chhup nahīñ saktā chhupā.e se ġhubār-e-ā.īna

saaf chehre se ayaañ hai jo tumhāre dil meñ hai

mil ke vo khichtā hai aur ye khich ke miltā hai 'ḳhalish'

baḌ ke qātil se ye ḳhūbī ḳhanjar-e-qātil meñ hai

us pe kyun marte hain kyun us ki tamanna dil mein hai

baat kuchh khulti nahin jo KHanjar-e-qatil mein hai

dur saghar ki tarah gardish hai ahl-e-bazm ko

aap se bahar hai wo jo aap ki mahfil mein hai

dekhiye aakar yahan rangin phulon ki bahaar

ek shagufta bagh hai jo dagh mere dil mein hai

naseh-e-mushfiq nasihat apni rahne dijiye

ishq ka jauhar azal se mere aab-o-gil mein hai

ek hi surat ko do kar ke dikha deta hai ye

jauhar-e-aina-pinhan KHanjar-e-qatil mein hai

ghair hansta hai udhar mujh ko lab-e-jaan dekh kar

main idhar KHush hun ki kashti daman-e-sahil mein hai

hosh kis ko hai jo le uTh kar qiyamat ki KHabar

dam ba-KHud har ek adam ki pahli hi manzil mein hai

hashr mein hum dad chahen aur un ke samne

roab itna hai ki munh ki munh mein dil ki dil mein hai

qabr mein aate hi raushan ho gaya mahshar ka haal

aaKHiri manzil ka manzar pahli hi manzil mein hai

chhup nahin sakta chhupae se ghubar-e-aina

saf chehre se ayan hai jo tumhaare dil mein hai

mil ke wo khichta hai aur ye khich ke milta hai 'KHalish'

baD ke qatil se ye KHubi KHanjar-e-qatil mein hai