Sufinama

us pe kyun marte hain kyun uski tamanna dil mein hai

Jageshwar Prasad Khalish

us pe kyun marte hain kyun uski tamanna dil mein hai

Jageshwar Prasad Khalish

MORE BYJageshwar Prasad Khalish

    us pe kyuuñ marte haiñ kyuuñ us tamannā dil meñ hai

    baat kuchh khultī nahīñ jo ḳhanjar-e-qātil meñ hai

    duur sāġhar tarah gardish hai ahl-e-bazm ko

    aap se bāhar hai vo jo aap mahfil meñ hai

    dekhiye aakar yahāñ rañgīn phūloñ bahār

    ik shagufta baaġh hai jo daaġh mere dil meñ hai

    nāseh-e-mushfiq nasīhat apnī rahne dījiye

    ishq jauhar azal se mere āb-o-gil meñ hai

    ek sūrat ko do kar ke dikhā detā hai ye

    jauhar-e-ā.īna-pinhāñ ḳhanjar-e-qātil meñ hai

    ġhair hañstā hai udhar mujh ko lab-e-jāñ dekh kar

    maiñ idhar ḳhush huuñ ki kashtī dāman-e-sāhil meñ hai

    hosh kis ko hai jo le uTh kar qiyāmat ḳhabar

    dam ba-ḳhud har ik adam pahlī manzil meñ hai

    hashr meñ ham daad chāheñ aur un ke sāmne

    ro.ab itnā hai ki muñh muñh meñ dil dil meñ hai

    qabr meñ aate raushan ho gayā mahshar haal

    āḳhirī manzil manzar pahlī manzil meñ hai

    chhup nahīñ saktā chhupā.e se ġhubār-e-ā.īna

    saaf chehre se ayaañ hai jo tumhāre dil meñ hai

    mil ke vo khichtā hai aur ye khich ke miltā hai 'ḳhalish'

    baḌ ke qātil se ye ḳhūbī ḳhanjar-e-qātil meñ hai

    us pe kyun marte hain kyun us ki tamanna dil mein hai

    baat kuchh khulti nahin jo KHanjar-e-qatil mein hai

    dur saghar ki tarah gardish hai ahl-e-bazm ko

    aap se bahar hai wo jo aap ki mahfil mein hai

    dekhiye aakar yahan rangin phulon ki bahaar

    ek shagufta bagh hai jo dagh mere dil mein hai

    naseh-e-mushfiq nasihat apni rahne dijiye

    ishq ka jauhar azal se mere aab-o-gil mein hai

    ek hi surat ko do kar ke dikha deta hai ye

    jauhar-e-aina-pinhan KHanjar-e-qatil mein hai

    ghair hansta hai udhar mujh ko lab-e-jaan dekh kar

    main idhar KHush hun ki kashti daman-e-sahil mein hai

    hosh kis ko hai jo le uTh kar qiyamat ki KHabar

    dam ba-KHud har ek adam ki pahli hi manzil mein hai

    hashr mein hum dad chahen aur un ke samne

    roab itna hai ki munh ki munh mein dil ki dil mein hai

    qabr mein aate hi raushan ho gaya mahshar ka haal

    aaKHiri manzil ka manzar pahli hi manzil mein hai

    chhup nahin sakta chhupae se ghubar-e-aina

    saf chehre se ayan hai jo tumhaare dil mein hai

    mil ke wo khichta hai aur ye khich ke milta hai 'KHalish'

    baD ke qatil se ye KHubi KHanjar-e-qatil mein hai

    Source :
    • Book : Tazkira-e-Hindu Shora-e-Bihar (Pg. 137)
    • Author : Mohammad Faseehuddin Balkhi
    • Publication : National Book Center Daltanganj, Plamu (1961)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now