بھلا قدرِ نگاہ نازِ جاناں کون سمجھے گا

بھلا قدرِ نگاہ نازِ جاناں کون سمجھے گا

اسی کو باعث تسکینِ ایماں کون سمجھے گا

بہت سے ہیں یہاں پر خونِ حسرت دیکھنے والے

مرے دل کو چراغ راہ عرفان کون سمجھے گا

یہی دو چار ہیں جن کو محبت نے نوازا ہے

جفائے دوست کو دنیا میں احساں کون سمجھے گا

یہاں خواب سبک کے دیکھنے والے ہی بستے ہیں

جہاں میں معنئ خوابِ پریشان کون سمجھے گا

بہار آتے ہی اے دستِ جنوں تو نے غضب ڈھایا

کہ میں پرزے ہی پرزے ان کو دامان کون سمجھے گا

جو میرے دل سے کھینچ کر آنکھ تک آیا ہے اک آنسو

خدا جانے کہ اس قطرہ کو طوفاں کون سمجھے گا

بجز ساقی کے اے بہزادؔ ناواقف ہے کل عالم

میرے اشکوں کو بھی مستی کا عنواں کون سمجھے گا