subh hui chali nasim-e-subh ka majra na puchh

sub.h huī chalī nasīm-e-sub.h kā mājrā na pūchh

raat to ḳhair kaT ga.ī sub.h ko kyā huā na pūchh

rāz-e-jamāl-e-āftāb zarre samajh sakeñge kyā

maiñ huuñ ki tū hai husn-e-dost kaun hai ḳhud-numā na pūchh

rahne de yūñhī raaz meñ rāz-o-niyāz-e-'āshqī

apnā bhī mājrā na kah merā bhī mājrā na pūchh

merā jahāñ jahān-e-yās chehra mirā udaas udaas

'ishq kī ibtidā ye hai 'ishq kī intihā na pūchh

dil thā merā bujhā-bujhā sajdoñ kā vahm bhī na thā

khiñch hī ga.ī jabīn-e-shauq quvvat-e-naqsh-e-pā na pūchh

tere ḳhilāf shaan haiñ itnī karam-mumā.īyāñ

hasrat-e-har gadā na sun hasrat har gadā na pūchh

'ishq kā raaz ek hai donoñ kā saaz ek hai

kis ko milā hai but na pūchh kis ko milā ḳhudā na pūchh

subh hui chali nasim-e-subh ka majra na puchh

raat to KHair kaT gai subh ko kya hua na puchh

raaz-e-jamal-e-aftab zarre samajh sakenge kya

main hun ki tu hai husn-e-dost kaun hai KHud-numa na puchh

rahne de yunhi raaz mein raaz-o-niyaz-e-'ashqi

apna bhi majra na kah mera bhi majra na puchh

mera jahan jahan-e-yas chehra mera udas udas

'ishq ki ibtida ye hai 'ishq ki intiha na puchh

dil tha mera bujha-bujha sajdon ka wahm bhi na tha

khinch hi gai jabin-e-shauq quwwat-e-naqsh-e-pa na puchh

tere KHilaf shan hain itni karam-mumaiyan

hasrat-e-har gada na sun hasrat har gada na puchh

'ishq ka raaz ek hai donon ka saz ek hai

kis ko mila hai but na puchh kis ko mila KHuda na puchh