صبح ہوئی چلی نسیم صبح کا ماجرا نہ پوچھ

صبح ہوئی چلی نسیم صبح کا ماجرا نہ پوچھ

رات تو خیر کٹ گئی صبح کو کیا ہوا نہ پوچھ

رازِ جمال آفتاب ذرے سمجھ سکیں گے کیا

میں ہوں کہ تو ہے حسن دوست کون ہے خود نما نہ پوچھ

رہنے دے یونہی راز میں راز و نیازِ عاشقی

اپنا بھی ماجرا نہ کہہ میرا بھی ماجرا نہ پوچھ

میرا جہاں جہانِ یاس چہرہ مرا اداس اداس

عشق کی ابتدا یہ ہے عشق کی انتہا نہ پوچھ

دل تھا میرا بجھا بجھا سجدوں کا وہم بھی نہ تھا

کھینچ ہی گئی جبینِ شوق قوت نقشِ پا نہ پوچھ

تیرے خلاف شان ہیں اتنی کرم نمائیاں

حسرت ہر گدا نہ سن حسرت ہر گدا نہ پوچھ

عشق کا راز ایک ہے دونوں کا ساز ایک ہے

کس کو ملا ہے بت نہ پوچھ کس کو ملا خدا نہ پوچھ