kabhi ashk paiham kabhi be-KHayali kabhi tham kar dil ko fariyaad karna

kabhī ashk paiham kabhī be-ḳhayālī kabhī thaam kar dil ko fariyād karnā

kabhī lab pe naale kabhī lab pe aaheñ kabhī chupke-chupke unheñ yaad karnā

ye raaz ek rahbar ne ham ko batāyā yahī ramz rāh-e-talab kā sujhāyā

jo manzil ho us ko na manzil samajhnā jo manzil na ho us ko ābād karnā

kisī kā ye 'ālam bhī dekhā hai ham ne hamāre liye roz-o-shab be-qarārī

kabhī kuchh tafakkur kabhī kuchh taġhayyur kabhī bhuul jaanā kabhī yaad karnā

ġhanīmat huā ḳhud se vo muskurā.e mohabbat ne baḌh baḌh ke jaadū jagā.e

dil-e-mubtalā kyuuñ na qurbān jaa.e unheñ aa gayā dil ko barbād karnā

mohabbat ne ik tarz un ko sikhāyā magar ek 'ālam ko do rañg de kar

use yaad karnā jise bhuul jaanā use bhuul jaanā jise yaad karnā

mire kufr par mere zauq-e-alam mirī zindagī ko dil-e-mubtalā ko

na tum mehar karnā na bedād karnā na ābād karnā na barbād karnā

sujūd-e-mohabbat sujūd-e-itā'at sujūd-e-'aqīdat sujūd-e-sadāqat

kisī sañg-e-dar par kisī āstāñ par jo karnā to ye kaam 'bahzād' karnā

kabhi ashk paiham kabhi be-KHayali kabhi tham kar dil ko fariyaad karna

kabhi lab pe nale kabhi lab pe aahen kabhi chupke-chupke unhen yaad karna

ye raaz ek rahbar ne hum ko bataya yahi ramz rah-e-talab ka sujhaya

jo manzil ho us ko na manzil samajhna jo manzil na ho us ko aabaad karna

kisi ka ye 'alam bhi dekha hai hum ne hamare liye roz-o-shab be-qarari

kabhi kuchh tafakkur kabhi kuchh taghayyur kabhi bhul jaana kabhi yaad karna

ghanimat hua KHud se wo muskurae mohabbat ne baDh baDh ke jadu jagae

dil-e-mubtala kyun na qurban jae unhen aa gaya dil ko barbaad karna

mohabbat ne ek tarz un ko sikhaya magar ek 'alam ko do rang de kar

use yaad karna jise bhul jaana use bhul jaana jise yaad karna

mere kufr par mere zauq-e-alam meri zindagi ko dil-e-mubtala ko

na tum mehar karna na bedad karna na aabaad karna na barbaad karna

sujud-e-mohabbat sujud-e-ita'at sujud-e-'aqidat sujud-e-sadaqat

kisi sang-e-dar par kisi aastan par jo karna to ye kaam 'bahzad' karna