جھک کے ساغر سے گلے ملتا ہے پیمانے کی عید

جھک کے ساغر سے گلے ملتا ہے پیمانے کی عید

اپنی ہستی سے گزر جانا ہے مستانے کی عید

تجھ پہ صدقے ہو کے مر جانا میری معراج ہے

شمع پر قربان ہو جانا ہے پروانے کی عید

ملتا آغوش لحد سے جا کے گر ملتا نہ تو

اب کے ویرانے میں ہوتی تیرے دیوانے کی عید

ہم بغل رکھتا ہوں تصویر خیالی یار کی

دیکھ لے اگر کوئی میرے صنم خانے کی عید

یہ بھی کوئی عید ہے بیدمؔ کہ ساقی ہے نہ جام

عید تو جب تھی کہ ہوتی مجھ کو مے خانے کی عید