ترے کرم کی ہمیں التجا نہیں کرتے

ترے کرم کی ہمیں التجا نہیں کرتے

وہ کون ہیں جو ترا آسرا نہیں کرتے

یہ کیوں کہیں کہ ہم ان کا گلہ نہیں کرتے

کہ اپنی جان سے بیزار کیا نہیں کرتے

خموش ہم ہیں شکایت ذرا نہیں کرتے

کسی کا حال مگر یوں سنا نہیں کرتے

شکن جبیں کی مٹے تھی کہ حشر تک کے لئے

ہم اب خموش ہیں کوئی گلہ نہیں کرتے

یہ اتفاق کہ دل آج ہنس دیا اپنا

یہ پھول روز چمن میں کھلا نہیں کرتے

کہیں ہیں داغِ تمنا کہیں ہیں ناز کے زخم

نشانیاں تری دل سے جدا نہیں کرتے

دوا نہ تھی تو کوئی درد ہی نہ دینا تھا

دیا ہے درد تو پھر کیوں دوا نہیں کرتے

ہے ان کا ضبط تحمل ہے ان کا صبر ان کا

فغاں سے جو کبھی لب آشنا نہیں کرتے

نہاد گل کی ہنسی پر لرز رہا ہے یہ دل

کہ دن خوشی کے کی سے وفا نہیں کرتے