پیش نگاہ رکھتا ہے تصویر یار کو

پیش نگاہ رکھتا ہے تصویر یار کو

ہر غم پہ فوقیت ہے غم انتظار کو

رکھ کر نظر کے سامنے تصویریار کو

بہلا رہا ہوں میں دل امیدوار کو

اک حال پر قرار نہیں روز گار کو

دیکھا خزاں سے ہم نے بدلتے بہار کو

یوں تو نظر کے سامنے کچھ بھی نہیں مگر

دل سے لگائے بیٹھا ہوں تصویر یار کو

خود اپنی مستیوں میں ہوئی جارہی ہے گم

اپنا بھی ہوش ہے نگہ ہوشیار کو

وجہ سکون خاطر بیتاب ہے نہادؔ

دینا نہ اپنے ہاتھ سے دامان یار کو