اور کوئی نیا کھلائے گل

اور کوئی نیا کھلائے گل

پھر مرے دل کی سر زمیں نہ کہیں

کعبہ دل میں اور یادِ صنم

ہاتھ سے جائیں کفر ودیں نہ کہیں

حشر برپا کریں یہ دھڑکا ہے

نالہ ہائے دل حزیں نہ کہیں

بھولی باتیں بتوں کی دیں نہ بدل

پھر گماں سے مرایقیں نہ کہیں

خوف ہے حال دل عیاں کردے

اڑ کے رنگ رخ وجبیں نہ کہیں

ایک ہوجائیں اے ہوائے جنوں

دامن وجیب و آستیں نہ کہیں

خانۂ دل کو ایک روز نہادؔ

پھونک دے آہ آتشیں نہ کہیں