تڑپتے ہیں انہیں غیروں کی چاہت ایسی ہوتی ہے
تڑپتے ہیں انہیں غیروں کی چاہت ایسی ہوتی ہے
خدا کی شان ہے ایسوں کی حالت ایسی ہوتی ہے
جب آنکھوں سے لگاتا ہوں تو چپکے چپکے ہنس ہنس کر
تری تصویر بھی کہتی ہے صورت ایسی ہوتی ہے
ابھی تو کھیل سمجھے ہو مگر ایک دن بتا دیں گے
قیامت اس کو کہتے ہیں قیامت ایسی ہوتی ہے
ہماری شکل تیرے غم میں پہچانی نہیں پڑتی
بگڑ جاتی ہے صورت بھی مصیبت ایسی ہوتی ہے
نہ نکلے عالم بالا تک ایسا چاند سا چہرا
انہیں کافر بتوں میں ایک صورت ایسی ہوتی ہے
ذرا سی بات پر اے داغؔ تم ان سے بگڑ بیٹھے
اسی کا نام الفت ہے محبت ایسی ہوتی ہے
مأخذ :
Additional information available
Click on the INTERESTING button to view additional information associated with this sher.
About this sher
Close
rare Unpublished content
This ghazal contains ashaar not published in the public domain. These are marked by a red line on the left.
