مجنوں نوں وچہ قبر فرشتے آپچھیا جد بھائی
مجنوں نوں وچہ قبر فرشتے آپچھیا جد بھائی
کون تیرا رب کسدائیں بندہ کی ہے عمل کمائی
مجنوں کفن اٹھایا سر توں جاتا لیلاں آئی
قدم فرشتے دے پھڑ چمدا اُچی کرے دُہائی
کہیا فرشتے او دیوانے میں پچھیا رب تیرا
توں کیوں لیلاں لیلاں کرکے پانویں شور اچیرا
مجنوں آکھے قسم لیلاں دی نہیں پچھاتا کائی
میں جاتا اج قبرے اندر میری لیلاں آئی
کہیا فرشتے کون تیرا رب حکم پچھپن دامینوں
مجنوں کہہ جاہ در صاحبدے اوہ دسے سچ تینوں
جے میں آکھاں تیرے تائیں میں ہاں او ہدابندا
اوہ منظور کرے نہ اگوں حال ہووے پھر مندا
میں ہاں جسدا بندہ بھائی اس تھیں پچھیں جا کے
میں ہاں جھوتے اوہ سچا دسے سچ فرما کے
جے اس کہیا تیرے تائیں مجنوں بندہ میرا
میں اوہدا اوہ میرا دائم کی اتھے کم تیرا
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
