duniya ki faza bus ek nazar mein zer-o-zabar ho jati hai
duniya ki faza bus ek nazar mein zer-o-zabar ho jati hai
Amjad Hyderabadi
MORE BYAmjad Hyderabadi
duniyā kī fazā bus ek nazar meñ zer-o-zabar ho jaatī hai
vo dekhte haiñ un nazroñ se nazroñ ko nazar ho jaatī hai
vo duniyā se kho jaatā hai aur kyā se kyā ho jaatā hai
us mast-nazar kī jis par jo ik baar nazar ho jaatī hai
jab aatī hai raat vo aate haiñ saath apne ujālā laate haiñ
chhā jaatā hai añdherā āñkhoñ meñ jis vaqt sahar ho jaatī hai
tadbīr koī chaltī yuuñ nahīñ taqdīr kabhī Taltī yuuñ nahīñ
har chand badī se bachtā huuñ us par jo magar ho jaatī hai
har vaqt guzartā rahtā hai ye dariyā bahtā rahtā hai
ho 'iid kā din yā shām-e-alam har haal basar ho jaatī hai
maujūd jo shai ho jaatī hai mā'dūm nahīñ phir ho saktī
duniyā-e-vujūd meñ ai 'amjad' taġh.īr-e-suvar ho jaatī hai
duniya ki faza bus ek nazar mein zer-o-zabar ho jati hai
wo dekhte hain un nazron se nazron ko nazar ho jati hai
wo duniya se kho jata hai aur kya se kya ho jata hai
us mast-nazar ki jis par jo ek bar nazar ho jati hai
jab aati hai raat wo aate hain sath apne ujala late hain
chha jata hai andhera aankhon mein jis waqt sahar ho jati hai
tadbir koi chalti yun nahin taqdir kabhi Talti yun nahin
har chand badi se bachta hun us par jo magar ho jati hai
har waqt guzarta rahta hai ye dariya bahta rahta hai
ho 'id ka din ya sham-e-alam har haal basar ho jati hai
maujud jo shai ho jati hai ma'dum nahin phir ho sakti
duniya-e-wujud mein ai 'amjad' taghir-e-suwar ho jati hai
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
