dur se aae hain hum ai sakinan-e-ku-e-dost

duur se aa.e haiñ ham ai sākinān-e-kū-e-dost

do jagah ham ko bhī thoḌī sī miyān-e-kū-e-dost

rahte haiñ tasbīh meñ taqdīs meñ tahlīl meñ

qudsiyoñ se kam nahīñ haiñ sākinān-e-kū-e-dost

jhuk ga.ī gardan garebāñ kī taraf jab vaqt-e-fikr

nahno-aqrab se milā ham ko nishān-e-kū-e-dost

gulshan-e-jannat kī kyā parvā hai ai rizvāñ unheñ

haiñ jo mushtāq-e-bahisht-e-jāvedān-e-kū-e-dost

ai humā be-fā.eda tū ne qadam-ranja kiyā

mustahiq in haDDiyoñ ke haiñ sagān-e-kū-e-dost

dekhūñ ai vaa.iz kise sunte haiñ dil se sāma.īn

vasf tū firdaus kā kar maiñ bayān-e-kū-e-dost

jab khulā tafsīr se mazmūn-jannāt-e-na.īm

maiñ ye samjhā hai ye qur.āñ meñ bayān-e-kū-e-dost

merī ashkoñ se jo dariyā mauj-zan hai rāt-din

mardum-e-ābī bane haiñ rahravān-e-kū-e-dost

hai nayā aalam hai is aalam se vo aalam judā

aur hī kuchh haiñ zamīn-o-āsmān-e-kū-e-dost

jab qadam rakhā zamīñ par āsmāñ par jā paḌā

bārhā ham ne kiyā hai imtihān-e-kū-e-dost

nāma-bar maiñ jāntā huuñ par batā saktā nahīñ

dil meñ hai lab tak nahīñ aatā nishān-e-kū-e-dost

chāhte ho daab lo us ko baġhal meñ ai 'amīr'

bostāñ 'sādī' kī Thahrā bostān-e-kū-e-dost

dur se aae hain hum ai sakinan-e-ku-e-dost

do jagah hum ko bhi thoDi si miyan-e-ku-e-dost

rahte hain tasbih mein taqdis mein tahlil mein

qudsiyon se kam nahin hain sakinan-e-ku-e-dost

jhuk gai gardan gareban ki taraf jab waqt-e-fikr

nahno-aqrab se mila hum ko nishan-e-ku-e-dost

gulshan-e-jannat ki kya parwa hai ai rizwan unhen

hain jo mushtaq-e-bahisht-e-jawedan-e-ku-e-dost

ai huma be-faeda tu ne qadam-ranja kiya

mustahiq in haDDiyon ke hain sagan-e-ku-e-dost

dekhun ai waiz kise sunte hain dil se samain

wasf tu firdaus ka kar main bayan-e-ku-e-dost

jab khula tafsir se mazmun-jannat-e-naim

main ye samjha hai ye quran mein bayan-e-ku-e-dost

meri ashkon se jo dariya mauj-zan hai raat-din

mardum-e-abi bane hain rahrawan-e-ku-e-dost

hai naya aalam hai is aalam se wo aalam juda

aur hi kuchh hain zamin-o-asman-e-ku-e-dost

jab qadam rakha zamin par aasman par ja paDa

barha hum ne kiya hai imtihan-e-ku-e-dost

nama-bar main jaanta hun par bata sakta nahin

dil mein hai lab tak nahin aata nishan-e-ku-e-dost

chahte ho dab lo us ko baghal mein ai 'amir'

bostan 'sadi' ki Thahra bostan-e-ku-e-dost