مخلوق کیوں نہ اس پہ دل و جاں فدا کرے
دلچسپ معلومات
یہ غزل گیا کے لٹریری کلب میں 1898ء کے دوران منعقدہ ایک مشاعرے میں پڑھی گئی تھی، اس مشاعرے میں فارسی اور اردو دونوں زبانوں کے مصرعِ طرح دیے گئے تھے، اردو مصرعِ طرح „کیا شکر کوئی نعمت حق کا ادا کرے“ تھا، مشاعرے میں پڑھی گئی غزلوں کو بابو رام پرشاد اور شرر گیاوی کی نگرانی میں اور شیخ محمد حسین کے اہتمام سے 4 مارچ 1899ء کو مطبع محمدی، گیا سے 28 صفحات پر شائع کیا گیا۔
مخلوق کیوں نہ اس پہ دل و جاں فدا کرے
جو خاک کو بچشم زدن کیمیا کرے
زندہ دلوں کی موت ہے بڑھ کر حیات سے
آبِ حیات خضر پیے تو پیا کرے
کیا التہاب ہے تپ فرقت کا الحفیظ
دشمن کو بھی نہ اس میں خدا مبتلا کرے
بھولے بتوں کی یاد دلِ بے قرار سے
بندہ جو ورد نام رسول خدا کرے
رونے کو بیٹھا نوح کے طوفاں کے سامنے
رہ جائے تیری آبرو فائقؔ خدا کرے
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
