مجھ کو پلایا بھر کے ایسا ہی جام ساقی

مجھ کو پلایا بھر کے ایسا ہی جام ساقی

تیری صورت کو سجدہ تیرا سلام ساقی

کعبہ کو کیوں میں پوجوں اپنا خدا سمجھ کر

پتھر کو پوجنا ہے مجھ پر حرام ساقی

ہم نے خدا سنا تھا بے مثل بے نمونہ

لیکن مثال پایا ستار نام ساقی

مذہب مٹا دیا ہے، اپنا ازل سے میں نے

بس عشق تیرا حاصل، اکمل انعام ساقی

روزہ، نماز، تقویٰ، کلمہ، قرآن، چھوڑا

اک گھونٹ نے فرائض کردئے تمام ساقی

مسجد، مندر کو دیکھا بت خانہ کلیسا

لیکن کہیں نہ پایا در رام رام ساقی

اللہ اسم جا پوں، صورت نہ گر پہچانوں

بے سود ذکر تیرا بے سود کام ساقی

جو ڈھونڈنے سے پایا وہ آن کے سمایا

اپنی مثال صورت اپنا مقام ساقی

اک پیشوا ہمارا، اک ہے امام الدین

بس عشق ہی ہے اپنا آقا امام ساقی