پیا جن مکھ تیرا دیکھا اسے پھر کیا دکھاتا ہے

پیا جن مکھ تیرا دیکھا اسے پھر کیا دکھاتا ہے

چکھا جن رس تیرے لب کا اسے پھر کیا چھکانا ہے

ہوا ہے دل میرا کولا بر ہوں کی آگ کے بھیتر

ایسے جرتے انگارے کو کہو پھر کیا جرانا ہے

عاقل ہوں نہ دیوانہ نہ محرم ہوں نہ بیگانہ

ایسے بے ہوش ہے خود کو کہو پھر کیا بتانا ہے

گرا کر ششۂ دل کو لگے جور و جفا کرنے

خدا سیں ٹک ڈرو ظالم گرے کو کیا گرانا ہے

جدائی سے جرے عالم جروں میں روبرو ہر دم

ایسے دیوانہ مجنوں کو کہو پھر کیا ستانا ہے

پیا کا درسن جن پایا ہوا ناداں نہ جانے کچھ

لیا جن سبق وحدت کا سے پھر کیا پڑھانا ہے

فنا کے بحرِ قلزم موں پڑا یہ دل گیا گزرا

نہ جاگے روزِ محشر کے اسے پھر کیا جگانا ہے

پیا جن جامِ وحدت کا نہ رکھے خوف سولی کا

اناالحق جب ہوا الحق اسے پھر کیا دکھانا ہے

ہر جا سخن تیرا دیکھوں سب موں رخن تیرا

ترا ہوں میں سجن تیرا مجھے پھر کیا لبھانا ہے

غلامؔ شاہ فاضل کا کہے دل سوں سنو یارو

دیکھو میں شاہ محی الدین مجھے پھر کیا دکھانا ہے