ghazab hai ada chashm-e-jadu-asar mein

ġhazab hai adā chashm-e-jādū-asar meñ

ki dil pis gayā bas nazar hī nazar meñ

shab-e-va.ada saath un ko lā.eñge ghar meñ

ham āñkheñ bujhāte hue rahguzar meñ

mareñ bhī to jā kar usī sar-zamīñ par

mileñ ḳhaak meñ to usī rahguzar meñ

mire qatl ko aa.e is sādgī se

chhurī haath meñ hai na ḳhanjar kamar meñ

bhulāyā ġham-e-dil ne shauq-e-tamāshā

ki ab āñkheñ khultī hai do dopahar meñ

girāñ-bār jitne hue ham jafā se

subuk hī rahe itne us kī nazar meñ

kisī ko vo māreñ kisī ko jilā.eñ

ḳhudā.ī sī karne lage ab to ghar meñ

muue par bhī kuchh chain paayā na ham ne

rahī jaan aTkī usī ishva-gar meñ

thake ham to bas iltijā karte karte

kaTī umr sun sun ke shām-o-sahar meñ

namak bhī chhiḌak rakho paikāñ pe thoḌā

ki lazzat baḌhe aur zaḳhm-e-jigar meñ

ham aise hue dekh kar mahv-e-hairat

ḳhabar hī nahīñ kaun aayā hai ghar meñ

ġham-e-dil nishānī hai furqat kī 'rāqim'

use rakh chalo un kī dīvār-o-dar meñ

ghazab hai ada chashm-e-jadu-asar mein

ki dil pis gaya bas nazar hi nazar mein

shab-e-wada sath un ko laenge ghar mein

hum aankhen bujhate hue rahguzar mein

maren bhi to ja kar usi sar-zamin par

milen KHak mein to usi rahguzar mein

mere qatl ko aae is sadgi se

chhuri hath mein hai na KHanjar kamar mein

bhulaya gham-e-dil ne shauq-e-tamasha

ki ab aankhen khulti hai do dopahar mein

giran-bar jitne hue hum jafa se

subuk hi rahe itne us ki nazar mein

kisi ko wo maren kisi ko jilaen

KHudai si karne lage ab to ghar mein

mue par bhi kuchh chain paya na hum ne

rahi jaan aTki usi ishwa-gar mein

thake hum to bas iltija karte karte

kaTi umr sun sun ke sham-o-sahar mein

namak bhi chhiDak rakho paikan pe thoDa

ki lazzat baDhe aur zaKHm-e-jigar mein

hum aise hue dekh kar mahw-e-hairat

KHabar hi nahin kaun aaya hai ghar mein

gham-e-dil nishani hai furqat ki 'raqim'

use rakh chalo un ki diwar-o-dar mein