fash us ka raaz aaKHir ho gaya

faash us kā raaz āḳhir ho gayā

vo mirī sūrat se zāhir ho gayā

ham vo aur vo ham bane be-inqilāb

ham meñ un meñ sirr-e-nādir ho gayā

mere mā'nī meñ vahī thā bātinan

ab maiñ us mā'nī kā māhir ho gayā

nīstī meñ ban ke mir.āt-e-vujūd

apne jaame se maiñ bāhar ho gayā

kahte haiñ muslim mujhe kāfir tamām

kahte haiñ muslim ki kāfir ho gayā

tere qurbāñ sāqiyā ābād rah

nashsha kyā piite hī sāġhar ho gayā

kho gayā maiñ kho gayā maiñ kho gayā

vo hī bātin vo hī zāhir ho gayā

rab hī Thahrā maiñ na 'ġhausī' abad hī

kyā kahūñ ākHir maiñ kāfir ho gayā

fash us ka raaz aaKHir ho gaya

wo meri surat se zahir ho gaya

hum wo aur wo hum bane be-inqilab

hum mein un mein sirr-e-nadir ho gaya

mere ma'ni mein wahi tha baatinan

ab main us ma'ni ka mahir ho gaya

nisti mein ban ke miraat-e-wujud

apne jame se main bahar ho gaya

kahte hain muslim mujhe kafir tamam

kahte hain muslim ki kafir ho gaya

tere qurban saqiya aabaad rah

nashsha kya pite hi saghar ho gaya

kho gaya main kho gaya main kho gaya

wo hi baatin wo hi zahir ho gaya

rab hi Thahra main na 'ghausi' abad hi

kya kahun aakHir main kafir ho gaya