اس کا م کا جو سر میں ہے ساماں نہیں ہوتا

اس کا م کا جو سر میں ہے ساماں نہیں ہوتا

اس درد کا جو دل میں ہے درماں نہیں ہوتا

اتنا نہ ہنسا اور بھی دیوانہ بنوں میں

دیوانگیِ شوق کا پایاں نہیں ہوتا

ان نرگسی آنکھوں پہ فدا جان کہ قاتل

جس قتلِ محبت پہ پشیماں نہیں ہوتا

جو شخص ترے عشق میں ہو جائے گا بے دل

بے دل تو وہ ہو جائے گا بے جاں نہیں ہوتا

کہتا ہوں برا عشق میں ہر چند میں دل کو

یہ پاپی پرانا ہے مسلماں نہیں ہوتا

کیا آتشِ الفت ہے عجب جو دلِ خسرو

جلتا ہے مگر خیر سے بریاں نہیں ہوتا