صبا سے ان کی زلفوں میں جو پیچ و تاب ہوتا ہے

صبا سے ان کی زلفوں میں جو پیچ و تاب ہوتا ہے

تو صبرِ ِدل ہر اک ناظر کا تنگ و تاب ہوتا ہے

مجھے کرتا ہے ترکِ دیں پہ مائل کتنا تڑپا کر

جو زلفوں کی شکن سے دل میں پیچ و تاب ہوتا ہے

سفیدی نے حسیں گالوں کی میرا رخ کیا کالا

پجاری جیسے سورج کا بہ آب و تاب ہوتا ہے

تری آنکھوں کو ہر ظلم و ستم کی یوں اجازت ہے

حسیں ترکوں سے لڑنے میں جہاں غرقاب ہوتا ہے

ترے گلگشت سے آب حیاتِ ناز ہے پیدا

دہن مردوں کا مرقد تک میں بھی پُر آب ہوتا ہے

نہ نیند آتی کبھی خسرو کو راتوں اس تمنا میں

رکھے آنکھیں کفِ پا پر ترے تب خواب ہوتا ہے