صنم جو میرا ہے ماہ طلعت ،تو ماہے دیگر کی کیا ضرورت

صنم جو میرا ہے ماہ طلعت ،تو ماہے دیگر کی کیا ضرورت

ترے لبوں کا ملے جو شربت، تو پھر ہے شکّر کی کیا ضرورت

تو اپنی پلکوں سے میرے سینہ ،پہ کیوں چلاتا ہے روز خنجر

میں مر مٹا ہوں بغیر خنجر، تو مجھ کو خنجر کی کیا ضرورت

حسیں بلاؤں نے میرا سینہ، کیا ہے بالم ستم سے چھلنی

نہ پھر بھی دے دادِ سخت جانی، تو ایسے داور کی کیا ضرورت

میں اپنی قسمت کے تارے گن گن کے کاٹتا ہوں شبانِ فرقت

مگر جسے کام ہو قضا سے تو اس کو خنجر کیا ضرورت

خرد جو خسرو کے سر سے کھیلی وہ مہ وشوں کا ہوا دوانہ

خرد نہ گلزارؔ ہو دوانی تو ایسے پھر سر کی کیا ضرورت