دن رات جب کہ درپئے جاں آسماں رہے

دن رات جب کہ درپئے جاں آسماں رہے

پروردگار پھر کوئی جاکر کہاں رہے

یاں یہ وفا کہ ان سے نہ کی جان تک عزیز

واں یہ ستم کہ اس پہ بھی وہ بدگماں رہے

دل میں تمہارے گھر کیا اللہ رے جذبِ عشق

نالے ہمارے دیکھ جاکر کہاں رہے

تیرے کمال کی جھلک ان کے حسن میں

یارب ترقیوں پہ جمال بتاں رہے

پیری میں شوق وصل حسیناں کہاں رہا

لطفِ شباب اٹھاتے تھے جب تک جواں رہے

وہ سخت جاں ہیں ہم کو اٹھایا کئے ستم

کیا کیا نہ ظلم ہم پر ترے آسماں رہے

تب لطف ہے زباں کا حبیبؔ سخن شناس

ہر بیت میں امیر کا طرز بیاں رہے