hai yahi shart bandagi ke liye

hai yahī shart bandagī ke liye

sar jhukā.ūñ terī ḳhushī ke liye

ishq meñ jal rahe haiñ parvāne

dars-e-ibrat hai aadmī ke liye

ek zamāne ke zulm sahtā huuñ

maiñ faqat aap kī ḳhushī ke liye

mil hī jaatā hai vo bahar-sūrat

jo muqaddar hai zindagī ke liye

ḳhūn-e-dil ashk ban ke bahtā hai

dil taḌaptā hai jab kisī ke liye

is tarah bhī bahār aatī hai

phuul rote haiñ tāzgī ke liye

sach to ye hai ki aap hī kā ġham

ab sahārā hai zindagī ke liye

apne jalvoñ se kījiye ābād

ḳhāna-e-dil hai aap hī ke liye

saarī duniyā ko chhoḌ saktā hai

terā 'sādiq' terī ḳhushī ke liye

hai yahi shart bandagi ke liye

sar jhukaun teri KHushi ke liye

ishq mein jal rahe hain parwane

dars-e-ibrat hai aadmi ke liye

ek zamane ke zulm sahta hun

main faqat aap ki KHushi ke liye

mil hi jata hai wo bahar-surat

jo muqaddar hai zindagi ke liye

KHun-e-dil ashk ban ke bahta hai

dil taDapta hai jab kisi ke liye

is tarah bhi bahaar aati hai

phul rote hain tazgi ke liye

sach to ye hai ki aap hi ka gham

ab sahaara hai zindagi ke liye

apne jalwon se kijiye aabaad

KHana-e-dil hai aap hi ke liye

sari duniya ko chhoD sakta hai

tera 'sadiq' teri KHushi ke liye