ہے یہی شرط بندگی کے لئے
ہے یہی شرط بندگی کے لئے
سر جھکاؤں تیری خوشی کے لئے
عشق میں جل رہے ہیں پروانے
درس عبرت ہے آدمی کے لئے
ایک زمانے کے ظلم سہتا ہوں
میں فقط آپ کی خوشی کے لئے
مل ہی جاتا ہے وہ بہر صورت
جو مقدر ہے زندگی کے لئے
خون دل اشک بن کے بہتا ہے
دل تڑپتا ہے جب کسی کے لئے
اس طرح بھی بہار آتی ہے
پھول روتے ہیں تازگی کے لئے
سچ تو یہ ہے کہ آپ ہی کا غم
اب سہارا ہے زندگی کے لئے
اپنے جلووں سے کیجیے آباد
خانۂ دل ہے آپ ہی کے لئے
ساری دنیا کو چھوڑ سکتا ہے
تیرا صادقؔ تیری خوشی کے لئے
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
