خبرلےجلد مرے ساقی مجھےہےپیاس شدت سے

خبرلےجلد مرے ساقی مجھے ہے پیاس شدت سے

پڑا ہوں تشنہ لب بھٹی پہ تیری ایک مدت سے

ہمارے عمر کے سب گنہ دھل جائیں دم بھر میں

اگر مل جائے اک قطرہ تیرے دریائے رحمت سے

رکھا ہے باز وہ سر پر قدم اپنے نہیں اٹھتے

گناہوں سے دبا جاتا ہوں وحشت ہے قیامت سے

ہمارے قتل کرنے کا ارادہ ہے جو اب قاتل

نقاب رخ کو سرکا آشنا ہونے دے صورت سے

نہ ٹوٹے تار اشکوں کا میرے یارب قیامت تک

سنا ہےشست و شو ہوتی ہےدل کی خوب رقت سے