ہر رنگ سے جہان کے بیگانہ کیجیے

ہر رنگ سے جہان کے بیگانہ کیجیے

یا دل کو میرے حامل میخانہ کیجیے

اس میں کسی کا ذوق تجسس ہے جا گزیں

اس دل کو پائمال تمنانہ کیجیے

اپنی نگاہ مست سے اک بار دیکھ کر

پھر مجھ کو کائنات سے بیگانہ کیجیے

اس ساز دل سے نغمہ منصور ہو عیاں

ایسے پلا کے خم مجھے مستانہ کیجیے

ہے لب کشائی مسلک تسلیم میں گنہ

اے دل جفائے دوست کا شکوہ نہ کیجیے

ہستی مٹا کے جادہ الفت میں اے شہابؔ

قائم وفا کا دہر میں افسانہ کیجیے