ہمارا سر ہے فقط اس کے آستاں کے لیے

ہمارا سر ہے فقط اس کے آستاں کے لیے

نہ کبر و نخوت و پندار و عزوشاں کے لیے

مجاز میں ہیں پڑے چھوڑ کر حقیقت کو

کہاں پہنچ گئے نکلے تھے ہم کہاں کے لیے

کبھی تو کشتۂ الفت کی دل دہی کر دو

یہ منتظر ہے فقط ایک لفظ ہاں کے لیے

سحر کے نالے مرے بے سبب نہیں ناصح

جرس کی طرح میں ہوں خفتہ کارواں کے لیے

یہ گوش گل میں صدا عندلیب کی پہنچی

گری جو برق تو میرے ہی آشیاں کے لیے

نتیجہ خیز ہوا چاک‌ دامن یوسف

زلیخا داغ بنی اپنے خانماں کے لیے

ہمارے رنج و محن کی ہے داستان طویل

کچھ اس جہاں کے لیے ہے کچھ اس جہاں کے لیے