har-nafas unki baat ki jae

har-nafas un kī baat kī jaa.e

yuuñ basar ab hayāt kī jaa.e

bujh rahe haiñ charāġh ashkoñ ke

kaise tābinda raat kī jaa.e

tishnagī kā yahī taqāza hai

chashm-e-sāqī se baat kī jaa.e

ehtimām-e-safar bhī lāzim hai

kuchh to fikr-e-najāt kī jaa.e

apne hī ġham pe tabsira na karūñ

kyuuñ zamāne kī baat kī jaa.e

ziist kā lutf jab hai ai 'sādiq'

sirf tausīf-e-zāt kī jaa.e

har-nafas un ki baat ki jae

yun basar ab hayat ki jae

bujh rahe hain charagh ashkon ke

kaise tabinda raat ki jae

tishnagi ka yahi taqaza hai

chashm-e-saqi se baat ki jae

ehtimam-e-safar bhi lazim hai

kuchh to fikr-e-najat ki jae

apne hi gham pe tabsira na karun

kyun zamane ki baat ki jae

zist ka lutf jab hai ai 'sadiq'

sirf tausif-e-zat ki jae