مجھے رات دن یہ خیال ہے وہ نظر سے مجھ کو گرا نہ دیں

مجھے رات دن یہ خیال ہے وہ نظر سے مجھ کو گرا نہ دیں

میری زندگی کا دیا کہیں یہ غموں کی آندھی بجھا نہ دے

مرے دل کے داغ نہ جل اٹھیں کہیں میرے سینے کی آگ سے

یہ گھٹی گھٹی مری آہ بھی، کہیں میرے ہوش گنوا نہ دے

کسے اپنا حال سناؤں میں مرا دل بھی غیر کا ہو چلا

بڑی الجھنوں میں گھِرا ہوں میں کہ فسانہ کوئی بنا نہ دے

میں دیا ہوں ایسا جہان میں کہ جلا تو ہوں نہیں روشنی

جو جگر میں ہے وہ خلش کہیں مری حسرتوں کو مٹا نہ دے