na jaane kab chhalak jae teri aankhon ka paimana

na jaane kab chhalak jaa.e tirī āñkhoñ kā paimāna

haqīqat ko banā de merī ik pur-dard afsāna

bahut majbūr-o-'ājiz huuñ karam bas itnā farmānā

mirā dil saath le aanā mire kūche meñ jab aanā

vahāñ nafrat panaptī hai yahāñ ulfat kī bastī hai

tumhārā dil hai vīrāna mirā dil hai ḳhudā-ḳhāna

mirī majbūriyāñ roke hue haiñ rāsta merā

hai jū-e-shīr kā laanā mirā tum tak pahuñch jaanā

ḳharīdār-e-mohabbat ban ke aayā huuñ maiñ duniyā meñ

ta'ajjub hai mujhe ab tak ki tum ne kyuuñ na pahchānā

maiñ do din ke liye aayā huuñ is duniyā meñ rahne ko

vo do din bhī guzārūñgā maiñ duniyā meñ faqīrāna

mirī be-mā.egī mujh ko tama’ kā dars detī hai

kahīñ aisā na ho qudrat lagā de mujh pe jurmāna

dikhā de tajziya kar ke jo merī chashm-e-pur-nam kā

tumhāre paas kyā aisā nahīñ hai koī paimāna

na us ko din khaTaktā hai na us ko raat Dastī hai

basar karatā hai jo bhī zindagī apnī ġharībāna

safar kī kar ke nīyat ghar se nikle ho to behtar hai

magar maujūdgī meñ shams kī ghar apne lauT aanā

na ye sunnat hai aaqā kī na ye vājib-o-lāzim hai

banā rakkhā hai tum ne apne dil ko kyuuñ ’azā-ḳhāna

zabāñ kā paas bhī rakhte nahīñ ho apnī ai 'ibrat'

mujhe nāhaq banā rakhā hai tum ne apnā dīvāna

na jaane kab chhalak jae teri aankhon ka paimana

haqiqat ko bana de meri ek pur-dard afsana

bahut majbur-o-'ajiz hun karam bas itna farmana

mera dil sath le aana mere kuche mein jab aana

wahan nafrat panapti hai yahan ulfat ki basti hai

tumhaara dil hai virana mera dil hai KHuda-KHana

meri majburiyan roke hue hain rasta mera

hai ju-e-shir ka lana mera tum tak pahunch jaana

KHaridar-e-mohabbat ban ke aaya hun main duniya mein

ta'ajjub hai mujhe ab tak ki tum ne kyun na pahchana

main do din ke liye aaya hun is duniya mein rahne ko

wo do din bhi guzarunga main duniya mein faqirana

meri be-maegi mujh ko tama’ ka dars deti hai

kahin aisa na ho qudrat laga de mujh pe jurmana

dikha de tajziya kar ke jo meri chashm-e-pur-nam ka

tumhaare pas kya aisa nahin hai koi paimana

na us ko din khaTakta hai na us ko raat Dasti hai

basar karata hai jo bhi zindagi apni gharibana

safar ki kar ke niyat ghar se nikle ho to behtar hai

magar maujudgi mein shams ki ghar apne lauT aana

na ye sunnat hai aaqa ki na ye wajib-o-lazim hai

bana rakkha hai tum ne apne dil ko kyun ’aza-KHana

zaban ka pas bhi rakhte nahin ho apni ai 'ibrat'

mujhe nahaq bana rakha hai tum ne apna diwana