kyun KHushi tumko hui haal-e-pareshan dekh kar

kyuuñ ḳhushī tum ko huī hāl-e-pareshāñ dekh kar

hañs rahe ho kyuuñ mire zaḳhmoñ ko ḳhandāñ dekh kar

do diloñ kī dhaḌkanoñ kā naam ulfat rakh diyā

jaan parvāne diye haiñ sham’-e-sozāñ dekh kar

dast-e-qudrat ne banāyā hai unheñ ik shāhkār

ā.īna hairāñ na kyuuñ ho shān-e-yazdāñ dekh kar

sair-e-gulshan merī qismat meñ nahīñ hai to na ho

jī rahā huuñ duur se sehn-e-gulistāñ dekh kar

un ko apnī bazm kā us par gumāñ hone lagā

dāġh-e-dil ko mere siine se charāġhāñ dekh kar

kam kahīñ hotā hai in bātoñ se andāz-e-junūñ

aur himmat baḌh ga.ī zanjīr-e-zindāñ dekh kar

bas rahī hai aañkh meñ hardam bahār-e-kū-e-dost

kyā kareñge ai 'shafaq' ham bāġh-e-rizvāñ dekh kar

kyun KHushi tum ko hui haal-e-pareshan dekh kar

hans rahe ho kyun mere zaKHmon ko KHandan dekh kar

do dilon ki dhaDkanon ka nam ulfat rakh diya

jaan parwane diye hain sham’-e-sozan dekh kar

dast-e-qudrat ne banaya hai unhen ek shahkar

aaina hairan na kyun ho shan-e-yazdan dekh kar

sair-e-gulshan meri qismat mein nahin hai to na ho

ji raha hun dur se sehn-e-gulistan dekh kar

un ko apni bazm ka us par guman hone laga

dagh-e-dil ko mere sine se charaghan dekh kar

kam kahin hota hai in baaton se andaz-e-junun

aur himmat baDh gai zanjir-e-zindan dekh kar

bas rahi hai aankh mein hardam bahaar-e-ku-e-dost

kya karenge ai 'shafaq' hum bagh-e-rizwan dekh kar