ishq ki barbaadiyon ko raegan samjha tha main

ishq kī barbādiyoñ ko rā.egāñ samjhā thā maiñ

bastiyāñ niklīñ jinheñ vīrāniyāñ samjhā thā maiñ

be-hijābī ko hijāb-e-darmiyāñ samjhā thā maiñ

sāmne kī baat thī lekin kahāñ samjhā thā maiñ

har nigah ko tab-e-nāzuk par garāñ samjhā thā maiñ

vo bhī kyā din the jab us ko bad-gumāñ samjhā thā maiñ

shād-bāsh-o-zinda-bāsh ai ishq-e-ḳhush saudā-e-man

tujh se pahle apnī azmat bhī kahāñ samjhā thā maiñ

kyā ḳhabar thī ḳhud vo nikleñge barābar ke sharīk

dil kī har dhaḌkan ko apnī dāstāñ samjhā thā maiñ

yaad ayyāme ki jab zauq-e-talab kāmil na thā

har ġhubār-e-kārvāñ ko kārvāñ samjhā thā maiñ

aadmī ko aadmī se ba.ad vo bhī kis qadar

zindagī ko zindagī kā rāz-dāñ samjhā thā maiñ

kyā batā.ūñ kis qadar zanjīr-e-mā-sābit hue

chand tinke jin ko apnā āshiyāñ samjhā thā maiñ

zindagī niklī musalsal imtihāñ-dar-imtihāñ

zindagī ko dāstāñ hī dāstāñ samjhā thā maiñ

us ghirī kī sharm rakh le ai nigāh-e-nāz-e-dost

har-nafas ko jab hayāt-e-jāvidāñ samjhā thā maiñ

merī hī rūdād-e-hastī thī mire hī sāmne

aaj tak jis ko hadīs-e-dīgarāñ samjhā thā maiñ

parda uThā to vahī sūrat nazar aa.ī 'jigar'

muddatoñ rūhul-qudus ko ham-zabāñ samjhā thā maiñ

ishq ki barbaadiyon ko raegan samjha tha main

bastiyan niklin jinhen viraniyan samjha tha main

be-hijabi ko hijab-e-darmiyan samjha tha main

samne ki baat thi lekin kahan samjha tha main

har nigah ko tab-e-nazuk par garan samjha tha main

wo bhi kya din the jab us ko bad-guman samjha tha main

shad-bash-o-zinda-bash ai ishq-e-KHush sauda-e-man

tujh se pahle apnī azmat bhi kahan samjha tha main

kya KHabar thi KHud wo niklenge barabar ke sharik

dil ki har dhaDkan ko apnī dastan samjha tha main

yaad ayyame ki jab zauq-e-talab kaamil na tha

har ghubar-e-karwan ko karwan samjha tha main

aadmi ko aadmi se baad wo bhi kis qadar

zindagi ko zindagi ka raaz-dan samjha tha main

kya bataun kis qadar zanjir-e-ma-sabit hue

chand tinke jin ko apna aashiyan samjha tha main

zindagi nikli musalsal imtihan-dar-imtihan

zindagi ko dastan hi dastan samjha tha main

us ghiri ki sharm rakh le ai nigah-e-naz-e-dost

har-nafas ko jab hayat-e-jawidan samjha tha main

meri hi rudad-e-hasti thi mere hi samne

aaj tak jis ko hadis-e-digaran samjha tha main

parda uTha to wahi surat nazar aai 'jigar'

muddaton ruhul-qudus ko ham-zaban samjha tha main