na kho dete tere jalwe to ye kis ko yaqin hota

na kho dete tire jalve to ye kis ko yaqīñ hotā

dam-e-nazzāra jalvoñ ke sivā kuchh bhī nahīñ hotā

ḳhudā jaane ki is hasrat meñ kitne jaan kho baiThe

tirā jalva kisī din ḳhātam-e-dil kā nagīñ hotā

talab aur justujū shart-e-muqaddam hai magar phir bhī

na chāheñ ḳhud hī vo jab tak kisī se kuchh nahīñ hotā

tirī yaktā.ī kī ḳhātir ḳhayāl apnā baTāyā hai

tasavvur had se baḌh jaatā to sūrat āfrīñ hotā

hazāroñ ġhaflatoñ se sābiqa din-rāt paḌtā hai

magar dil hai ki us kī yaad se ġhāfil nahīñ hotā

kabhī uftādgī kī quvvateñ bhī dekhiye 'kāmil'

vahīñ se kaam bantā hai jahāñ kuchh bhī nahīñ hotā

na kho dete tere jalwe to ye kis ko yaqin hota

dam-e-nazzara jalwon ke siwa kuchh bhi nahin hota

KHuda jaane ki is hasrat mein kitne jaan kho baiThe

tera jalwa kisi din KHatam-e-dil ka nagin hota

talab aur justuju shart-e-muqaddam hai magar phir bhi

na chahen KHud hi wo jab tak kisi se kuchh nahin hota

teri yaktai ki KHatir KHayal apna baTaya hai

tasawwur had se baDh jata to surat aafrin hota

hazaron ghaflaton se sabiqa din-raat paDta hai

magar dil hai ki us ki yaad se ghafil nahin hota

kabhi uftadgi ki quwwaten bhi dekhiye 'kaamil'

wahin se kaam banta hai jahan kuchh bhi nahin hota