yahan junun ki hai chira-dasti KHirad ka shahpar hai larzan-larzan

yahāñ junūñ kī hai chīra-dastī ḳhirad kā shahpar hai larzāñ-larzāñ

amaañ milegī ye vasvasa hai qadam qadam par haiñ dār-o-zondāñ

yahāñ sabā kī latīf lorī bhī siskiyoñ meñ badal chukī hai

har ek ġhuncha kā is gulistāñ meñ chaak hotā hai jeb-o-dastāñ

yahāñ tamāshā ki ab bhī saaqī talāsh karatā hai mai-kada meñ

ki jām-o-mīnā kahāñ haiñ rakkhe jo riñd baiThe haiñ marg-e-sāmāñ

yahāñ to dast-e-savāl bhī ab ba-rañg-e-āvāz-e-vāpsīñ hai

nigāh uThtī hai jis taraf bhī udhar se phirtī hai hairāñ-hairāñ

'arūs-e-bahāv kā rath maiñ dekhne ko taras gayā huuñ

kahāñ vo manzil kahāñ vo jaada kahāñ vo rahbar kahāñ vo paimāñ

yahan junun ki hai chira-dasti KHirad ka shahpar hai larzan-larzan

aman milegi ye waswasa hai qadam qadam par hain dar-o-zondan

yahan saba ki latif lori bhi siskiyon mein badal chuki hai

har ek ghuncha ka is gulistan mein chaak hota hai jeb-o-dastan

yahan tamasha ki ab bhi saqi talash karata hai mai-kada mein

ki jam-o-mina kahan hain rakkhe jo rind baiThe hain marg-e-saman

yahan to dast-e-sawal bhi ab ba-rang-e-awaz-e-wapsin hai

nigah uThti hai jis taraf bhi udhar se phirti hai hairan-hairan

'arus-e-bahaw ka rath main dekhne ko taras gaya hun

kahan wo manzil kahan wo jada kahan wo rahbar kahan wo paiman