samne us turk ke dil rakh diya sar rakh diya

sāmne us turk ke dil rakh diyā sar rakh diyā

paas thā maujūd jo kuchh ham ne lā kar rakh diyā

gardaneñ shauq-e-shahādat meñ jhukī haiñ saiñkaḌoñ

nīmcha kyuuñ haath se tark-e-sitamgar rakh diyā

chāñd sī peshānī sindūr kā Tiikā nahīñ

bām-e-ka.aba par charāġh is ne jalā kar rakh diyā

ḳhāmushī bhī hai dalīl-e-kāmyābī nāma-bar

ġham nahīñ gar nāma-e-shauq us ne paḌh kar rakh diyā

vasl meñ jhagḌā bakheḌā rāt-bhar un se rahā

saahī kā kāñTā adū ne zer-e-bistar rakh diyā

jab kahā mujh sā hasīñ duniyā meñ ab koī nahīñ

muskurā kar ham ne ā.īna barābar rakh diyā

apne dil meñ yaar ne dushman ko phir kyuuñ dī jagah

kyā ġhazab hai but ko phir ka.aba ke andar rakh diyā

ek pahlū meñ jigar hai dūsre pahlū meñ dil

teġh-o-ḳhanjar ke liye hissa barābar rakh diyā

ġhash jo aayā daulat-e-pā-bos-e-jānāñ mil ga.ī

girte girte maiñ ne pā-e-yār par sar rakh diyā

nāzuk-e-bedād se kab chashm-poshī ham ne kī

ḳhūn-e-dil laḳht-e-jigar jo thā mayassar rakh diyā

mujh ko 'kausar' pyaar se is ne gale lipTā liyā

ho ke jab betāb maiñ ne paañv sar par rakh diyā

samne us turk ke dil rakh diya sar rakh diya

pas tha maujud jo kuchh hum ne la kar rakh diya

gardanen shauq-e-shahadat mein jhuki hain sainkaDon

nimcha kyun hath se tark-e-sitamgar rakh diya

chand si peshani sindur ka Tika nahin

baam-e-kaba par charagh is ne jala kar rakh diya

KHamushi bhi hai dalil-e-kaamyabi nama-bar

gham nahin gar nama-e-shauq us ne paDh kar rakh diya

wasl mein jhagDa bakheDa raat-bhar un se raha

sahi ka kanTa adu ne zer-e-bistar rakh diya

jab kaha mujh sa hasin duniya mein ab koi nahin

muskura kar hum ne aaina barabar rakh diya

apne dil mein yar ne dushman ko phir kyun di jagah

kya ghazab hai but ko phir kaba ke andar rakh diya

ek pahlu mein jigar hai dusre pahlu mein dil

tegh-o-KHanjar ke liye hissa barabar rakh diya

ghash jo aaya daulat-e-pa-bos-e-jaanan mil gai

girte girte main ne pa-e-yar par sar rakh diya

nazuk-e-bedad se kab chashm-poshi hum ne ki

KHun-e-dil laKHt-e-jigar jo tha mayassar rakh diya

mujh ko 'kausar' pyar se is ne gale lipTa liya

ho ke jab betab main ne panw sar par rakh diya