mujhe jam-e-ulfat yar ne jo pila diya kai bar hai

mujhe jām-e-ulfat yaar ne jo pilā diyā ka.ī baar hai

so ye āñkhoñ meñ mirī ab talak ba-ḳhudā usī kā ḳhumār hai

jo sabā kare to udhar guzar to ye kahiyo un se mirī ḳhabar

ġham-e-hijr ne tire ai sanam kiyā kaisā zār-o-nazār hai

tire 'ishq meñ jo huā sanam nahīñ us kā shikva kareñge ham

chāho jis tarah karo ḳhaar tum ba-ḳhudā mujhe nahīñ aar hai

mirī jaan jaa.e to ġham nahīñ magar itnā kahte haiñ ai sanam

na phireñge 'ishq se tere ham mirā dil to tujh pe nisār hai

mujhe ḳhauf-e-hashr 'ḳhalīl' kyā ki haiñ shāh-e-ḳhādim-e-peshvā

koī maane yā ki na maane haañ mire dil ko is pe qarār hai

mujhe jam-e-ulfat yar ne jo pila diya kai bar hai

so ye aankhon mein meri ab talak ba-KHuda usi ka KHumar hai

jo saba kare to udhar guzar to ye kahiyo un se meri KHabar

gham-e-hijr ne tere ai sanam kiya kaisa zar-o-nazar hai

tere 'ishq mein jo hua sanam nahin us ka shikwa karenge hum

chaho jis tarah karo KHar tum ba-KHuda mujhe nahin aar hai

meri jaan jae to gham nahin magar itna kahte hain ai sanam

na phirenge 'ishq se tere hum mera dil to tujh pe nisar hai

mujhe KHauf-e-hashr 'KHalil' kya ki hain shah-e-KHadim-e-peshwa

koi mane ya ki na mane han mere dil ko is pe qarar hai