ai shoKH abas tu KHwahan hai dil-e-shaida ke phans jaane ko

ai shoḳh 'abas tū ḳhvāhāñ hai dil-e-shaidā ke phañs jaane ko

kaafī hai tirī zulf-e-dotā 'āshiq ke dil uljhāne ko

jo ka.aba-o-dair na pahchāne aur apnā ġhair nahīñ jaane

samjhātā hai nāseh phir kyuuñ tū aise ab dīvāne ko

rāhat se nahīñ kuchh kaam hameñ aur ġham kā khaTkā kuchh bhī nahīñ

'āshiq to barābar jaane haiñ us jiine aur mar jaane ko

phuslātā hai zāhid ham ko kyuuñ jannat kī har ne'amat se

ham sab se behtar jaane haiñ us ḳhūn-e-jigar ke khāne ko

apnā to 'ḳhalīl' islām yahī kuchh aur kisī se kaam nahīñ

ham haq kā milnā jaane haiñ shah-e-ḳhādim ke mil jaane ko

ai shoKH 'abas tu KHwahan hai dil-e-shaida ke phans jaane ko

kafi hai teri zulf-e-dota 'ashiq ke dil uljhane ko

jo kaba-o-dair na pahchane aur apna ghair nahin jaane

samjhata hai naseh phir kyun tu aise ab diwane ko

rahat se nahin kuchh kaam hamein aur gham ka khaTka kuchh bhi nahin

'ashiq to barabar jaane hain us jine aur mar jaane ko

phuslata hai zahid hum ko kyun jannat ki har ne'amat se

hum sab se behtar jaane hain us KHun-e-jigar ke khane ko

apna to 'KHalil' islam yahi kuchh aur kisi se kaam nahin

hum haq ka milna jaane hain shah-e-KHadim ke mil jaane ko