khinchi hai shamshir-e-naz qatil chale hain mushtaq-e-marg ghar se

khiñchī hai shamshīr-e-nāz qātil chale haiñ mushtāq-e-marg ghar se

kafan lapeTe hue kamar se koī idhar se koī udhar se

vo gul-e-badan jaañ hai chaman kī ye jāntā huuñ maiñ peshtar se

hañsā to kaliyāñ chaTak ke niklīñ kiyā takallum to phuul barse

dikhā.iye aaj rū-e-zebā uThā.iye darmiyāñ se parda

kahāñ se ab intizār-e-fardā yahī to sunte haiñ umr-bhar se

jafā-e-mashūq kā gila kyā sa.ūbat-e-dasht-e-karblā kyā

qadam bhī haTte haiñ āshiqoñ ke agar barastī hai aag barse

dikhā.ūñ ashkoñ kī gar ravānī ghaTā ho ġhairat se pānī-pānī

abhī khule hāl-e-lantrānī haTā.ūñ dāman jo chashm-e-tar se

na be-qarārī kā Dhañg aayā na ashk par ḳhuuñ kā rañg aayā

chamak ke bijlī hazār taḌpī garaj ke bādal hazār barse

idhar se chilman haTā ke jhāñkā udhar se parda haTā ke dekhā

lagāyā zālim ne tiir ham par kabhī idhar se kabhī udhar se

khinchi hai shamshir-e-naz qatil chale hain mushtaq-e-marg ghar se

kafan lapeTe hue kamar se koi idhar se koi udhar se

wo gul-e-badan jaan hai chaman ki ye jaanta hun main peshtar se

hansa to kaliyan chaTak ke niklin kiya takallum to phul barse

dikhaiye aaj ru-e-zeba uThaiye darmiyan se parda

kahan se ab intizar-e-farda yahi to sunte hain umr-bhar se

jafa-e-mashuq ka gila kya saubat-e-dasht-e-karbla kya

qadam bhi haTte hain aashiqon ke agar barasti hai aag barse

dikhaun ashkon ki gar rawani ghaTa ho ghairat se pani-pani

abhi khule haal-e-lantrani haTaun daman jo chashm-e-tar se

na be-qarari ka Dhang aaya na ashk par KHun ka rang aaya

chamak ke bijli hazar taDpi garaj ke baadal hazar barse

idhar se chilman haTa ke jhanka udhar se parda haTa ke dekha

lagaya zalim ne tir hum par kabhi idhar se kabhi udhar se