نہ خلوت میں بھی رہ سکے ہم اکیلے

نہ خلوت میں بھی رہ سکے ہم اکیلے

کہ دل میں لگے ہیں حسینوں کے میلے

لڑکپن میں ہم عشق کا کھیل کھیلے

وہ تتلا کے کہنا الے لے الے لے

جو آ جاؤ خلوت میں یوں تم اکیلے

تو پھر کوئی آغوش میں کیوں نہ لے لے

ادھر آ کلیجے سے تجھ کو لگا لیں

کہ تو بھی اکیلا ہے ہم بھی اکیلے

ارے کل اچانک چلے آنے والے

بہت آج گھبرا رہے ہیں اکیلے

اب ایسے کو کیا کہہ سکے کوئی ظالم

جو چپکے ہی سے چٹکیاں دل میں لے لے

ارے کچھ تو مجذوبؔ یاروں کا حق بھی

یہ چھپ چھپ کے پینا اکیلے اکیلے