kahta hua phirta hai mahshar mein ye diwana

kahtā huā phirtā hai mahshar meñ ye dīvāna

yārab mirā vīrāna yārab mirā vīrāna

jī meñ hai chaḌhā jā.ūñ mai-ḳhāna kā mai-ḳhāna

haañ sāqī-e-dariyā-dil paimāne pe paimāna

dikhlā de kashish itnī ai jalva-e-jānāna

gulshan meñ rahe bulbul mahfil meñ na parvāna

'āshiq to hai ai zāhid har vaqt 'ibādat meñ

ashkoñ kā tasalsul hai ik sub.ha-e-sad-dāna

āñkheñ mirī hotī haiñ ab band hamesha ko

haañ ek jhalak ab to ai jalva-e-jānāna

itnī to pilā saaqī ab is se bhī kyā kam ho

labrez to ho jaa.e ye 'umr kā mai-ḳhāna

saaqī ne badal Daalī duniyā mirī hastī kī

āñkheñ haiñ ki mai-ḳhāne dil hai ki parī-ḳhāna

dīvāna bane un kā ye zarf na ye himmat

'majzūb' to hai un ke dīvānoñ kā dīvāna

kahta hua phirta hai mahshar mein ye diwana

yarab mera virana yarab mera virana

ji mein hai chaDha jaun mai-KHana ka mai-KHana

han saqi-e-dariya-dil paimane pe paimana

dikhla de kashish itni ai jalwa-e-jaanana

gulshan mein rahe bulbul mahfil mein na parwana

'ashiq to hai ai zahid har waqt 'ibaadat mein

ashkon ka tasalsul hai ek subha-e-sad-dana

aankhen meri hoti hain ab band hamesha ko

han ek jhalak ab to ai jalwa-e-jaanana

itni to pila saqi ab is se bhi kya kam ho

labrez to ho jae ye 'umr ka mai-KHana

saqi ne badal Dali duniya meri hasti ki

aankhen hain ki mai-KHane dil hai ki pari-KHana

diwana bane un ka ye zarf na ye himmat

'majzub' to hai un ke diwanon ka diwana