اگر منظور ہے پینا مئے وحدت کے ساغر کا

اگر منظور ہے پینا مئے وحدت کے ساغر کا

لیا کر نام ہر دم حضرت ساقیٔ کوثر کا

تری مئے کی تمنا میں بنا دل ورنہ اے ساقی

جسے کہتے ہیں شیشہ وہ بھی ایک ٹکڑا ہے پتھر کا

کبھی گر خاک تیرے نقشِ پاک کی دل سے وہ ملتا

تو شکلِ آئینہ دل صاف ہو جاتا سکندر کا

تری دوری سے ہم جس آتشِ سوزاں میں جلتے ہیں

جو دیکھے دور سے تو آب ہو زہرہ سمندر کا

علم کا اس کے اے معروفؔ سر پر میرے سایہ ہے

نہیں ہے ایک ذرہ غم مجھے خورشیدِ محشر کا