محبت لا مکانی ہے

محبت لا مکانی ہے

محبت لا زمانی ہے

محبت نور ربانی

محبت غیر فانی ہے

محبت شرف انسانی

محبت وصف رحمانی

خدا کا ایک بندہ ہے

نہیں جس کا کوئی ثانی

نیا بت ان کی نورانی

خلافت ضو فشانی ہے

وجود پاک نورانی

تو سیرت عین قرآنی

کلام اعجاز ربانی

وہ عرش لا مکانی ہے

میرا رہبر ہے لا ثانی

ہے جن کا فیض سبحانی

وہی وہ غوث صمدانی

جو مشہور زمانی ہے

سراجؔ عشق الٰہی میں

رہے سجدہ میں پیشانی

کرو ہر دم ثنا خوانی

تو دائم زندگانی ہے