Sufinama

koi hasti yahan meri sharik-e-gham nahin hoti

Sadiq Dehlvi

koi hasti yahan meri sharik-e-gham nahin hoti

Sadiq Dehlvi

MORE BYSadiq Dehlvi

    koī hastī yahāñ merī sharīk-e-ġham nahīñ hotī

    vo ek terī nazar hai jo kabhī barham nahīñ hotī

    nahīñ aatī kisī ko maut duniyā-e-mohabbat meñ

    charāġh-e-zindagī lau yahāñ maddham nahīñ hotī

    ummīdeñ TuuT jaatī haiñ sahāre chhūT jaate haiñ

    magar terī mohabbat tamannā kam nahīñ hotī

    nahīñ hotī vafā manzileñ āsāñ kabhī us par

    mohabbat meñ jo hastī āshnā-e-ġham nahīñ hotī

    mere soz-e-darūñ ne aañkh meñ aañsū nahīñ chhoḌe

    jahāñ sho.ale bhaḌakte hoñ vahāñ shabnam nahīñ hotī

    hameñ duniyā se umīd-e-vafā ho kis liye āḳhir

    ye duniyā to kisī bhī sharīk-e-ġham nahīñ hotī

    ma.āl-e-kār bhī ma.alūm hai jab mujh ko hastī

    ilāhī ārzū-e-zindagī kyuuñ kam nahīñ hotī

    kahāñ hotī hai merāj-e-niyāz-e-bandagī us ko

    tare dar par jabīn-e-shauq jas ḳham nahīñ hotī

    surūr-e-bada-o-irfāñ kabhī hāsil nahīñ hotī

    nigāh-e-sāqi-e-mahfil agar paiham nahīñ hotī

    guzar jā.ūñgā maiñ hastī har dushvār manzil se

    kisī darvesh nisbat bhī 'sādiq' kam nahīñ hotī

    koi hasti yahan meri sharik-e-gham nahin hoti

    wo ek teri nazar hai jo kabhi barham nahin hoti

    nahin aati kisi ko maut duniya-e-mohabbat mein

    charagh-e-zindagi ki lau yahan maddham nahin hoti

    ummiden TuT jati hain sahaare chhuT jate hain

    magar teri mohabbat ki tamanna kam nahin hoti

    nahin hoti wafa ki manzilen aasan kabhi us par

    mohabbat mein jo hasti aashna-e-gham nahin hoti

    mere soz-e-darun ne aankh mein aansu nahin chhoDe

    jahan shoale bhaDakte hon wahan shabnam nahin hoti

    hamein duniya se umid-e-wafa ho kis liye aaKHir

    ye duniya to kisi ki bhi sharik-e-gham nahin hoti

    maal-e-kar bhi malum hai jab mujh ko hasti ka

    ilahi aarzu-e-zindagi kyun kam nahin hoti

    kahan hoti hai meraj-e-niyaz-e-bandagi us ko

    tare dar par jabin-e-shauq jas ki KHam nahin hoti

    surur-e-bada-o-irfan kabhi hasil nahin hoti

    nigah-e-saqi-e-mahfil agar paiham nahin hoti

    guzar jaunga main hasti ki har dushwar manzil se

    kisi darwesh ki nisbat bhi 'sadiq' kam nahin hoti

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now