zara aahista le chal karwan-e-sher hafiz ko

zarā āhista le chal kārvān-e-she'r 'hāfiz' ko

ki sat.h-e-zehn-e-shāgirdān-e-nāhamvār hai saaqī

paḌheñ vo is tarah ki yaad rakkheñ bāda-o-sāġhar

tasavvuf kī zabāñ meñ ye sabhī mai-ḳhvār haiñ saaqī

dikhā de ik jhalak un ko bhī apne daur-e-māzī kī

oh bujhtī sham.eñ ab bhī mamba'-e-anvār haiñ saaqī

yahī kal zālimoñ ke dar-e-ḳhaibar ko uThā.eñge

tumheñ mā'lūm kyā ye haidar-e-karrār haiñ saaqī

bahak jaate haiñ ’ālim bhī hamesha dars dene meñ

magar ye dard bhī to qābil-e-iz.hār haiñ saaqī

zara aahista le chal karwan-e-she'r 'hafiz' ko

ki sath-e-zehn-e-shagirdan-e-nahamwar hai saqi

paDhen wo is tarah ki yaad rakkhen baada-o-saghar

tasawwuf ki zaban mein ye sabhi mai-KHwar hain saqi

dikha de ek jhalak un ko bhi apne daur-e-mazi ki

oh bujhti shamen ab bhi mamba'-e-anwar hain saqi

yahi kal zalimon ke dar-e-KHaibar ko uThaenge

tumhein ma'lum kya ye haidar-e-karrar hain saqi

bahak jate hain ’alim bhi hamesha dars dene mein

magar ye dard bhi to qabil-e-izhaar hain saqi