ذرا آہستہ لے چل کاروانِ شعرِ حافظؔ کو

ذرا آہستہ لے چل کاروانِ شعرِ حافظؔ کو

کہ سطحِ ذہنِ شاگردانِ ناہموار ہے ساقی

پڑھیں وہ اس طرح کہ یاد رکھیں بادہ و ساغر

تصوف کی زباں میں یہ سبھی میخوار ہیں ساقی

دکھا دے اک جھلک ان کو بھی اپنے دورِ ماضی کی

اوہ بجھتی شمعیں اب بھی منبعِ انوار ہیں ساقی

یہی کل ظالموں کے درِ خیبر کو اٹھائیں گے

تمہیں معلوم کیا یہ حیدرِ کرار ہیں ساقی

بہک جاتے ہیں عالمؔ بھی ہمیشہ درس دینے میں

مگر یہ درد بھی تو قابلِ اظہار ہیں ساقی