پلا ساقیا اب مئے سرخ رنگ

پلا ساقیا اب مئے سرخ رنگ

کہ اس قید قالب سے ہے روح تنگ

شب و روز ہے نفس کافر مکیں

فتح دے کہاں تک کروں اس سے جنگ

تیرے فضل کا اب ہوں امید وار

ہے یہ نفس امارہ مثلِ نہنگ

پلا شربتِ مصری یوسف میرے

کہ تشنہ کوکب صبر از آب خنک

عجب حال ہے اہل دنیا کا آہ

اٹھاتے ہیں فتنہ کو کیسے ہیں ڈھنگ

کمال فقیری کہاں اور تمیز

مداری فقیر و گدا ہوں ملنگ

دورنگی میں ہے میرا فعل اور قول

اے عاشق صادق تو ہو ایک رنگ

کیا نام پیروں کا بدنام میں

مجھے شرم آتی ہے اور عار ننگ

گلستانِ محبت کا تازہ ہو گل

محبت ہو جس کی او ہے اس کے سنگ

مدد پیر مسکین جب تک نہ ہو

سمجھ لے کہ ہے آئینہ دل پہ زنگ

نہیں کوئی محمودؔ کا یار اب

ہے خانہ نشیں کیا ہوا پائے لنگ