dil-e-be-qarar ki marifat baDi ehtiyat ka kaam hai

dil-e-be-qarār kī ma.arifat baḌī ehtiyāt kā kaam hai

yahī un kī ḳhalvat-e-nāz hai yahī dūsroñ kā maqām hai

maiñ kHarāb-e-bāda-e-’ishq huuñ merā dil hī ab merā jaam hai

hai har ek tarh kī us meñ mai mirā shaġhl shurb-e-mudām hai

vo hazār rañg se jalva-gar haiñ kabhī yahāñ to kabhī vahāñ

unheñ ḳhud-numā.ī kā shauq hai merī justujū kā to naam hai

na dil-o-nigāh pe merā bas na ḳhayāl par merī dastaras

kabhī vo hī vo kabhī maiñ hī maiñ ye baḌā 'ajīb maqām hai

lab-e-shikva bhī na hilā sakūñ unheñ hāl-e-ġham na sunā sakūñ

jise maut kahte haiñ 'ishq meñ usī be-kasī kā to naam hai

ye to 'mai-kash' ek fareb hai nahīñ mai-kade meñ ye sarḳhushī

tū nigāh apne hī dil pe rakh yahī baada hai yahī jaam hai

dil-e-be-qarar ki marifat baDi ehtiyat ka kaam hai

yahi un ki KHalwat-e-naz hai yahi dusron ka maqam hai

main kHarab-e-baada-e-’ishq hun mera dil hi ab mera jam hai

hai har ek tarh ki us mein mai mera shaghl shurb-e-mudam hai

wo hazar rang se jalwa-gar hain kabhi yahan to kabhi wahan

unhen KHud-numai ka shauq hai meri justuju ka to nam hai

na dil-o-nigah pe mera bas na KHayal par meri dastaras

kabhi wo hi wo kabhi main hi main ye baDa 'ajib maqam hai

lab-e-shikwa bhi na hila sakun unhen haal-e-gham na suna sakun

jise maut kahte hain 'ishq mein usi be-kasi ka to nam hai

ye to 'mai-kash' ek fareb hai nahin mai-kade mein ye sarKHushi

tu nigah apne hi dil pe rakh yahi baada hai yahi jam hai