چمک اٹھتی ہے بزمِ عشق جب دیوانہ آتا ہے

چمک اٹھتی ہے بزمِ عشق جب دیوانہ آتا ہے

چراغ حسن و امین میں لیے پروانہ آتا ہے

زمینِ کوچۂ ساقی قدم سےلپٹی پڑتی ہے

یہ کس کی چشم مستِ ناز کا مستانہ آتا ہے

خیالِ غیر کیسا وہم آیا تھا مرے دل میں

چھپا کر منہ کہا اس نے کوئی بیگانہ آتا ہے

یہ کالی کالی زلفوں کا کہیں قیدی نہ بن جائے

گلی میں آپ کی اکثر دلِ دیوانہ آتا ہے

جو دیکھا منظرِ شام و سحر میں نورِ عالم کو

تو کعبہ رات کو دن کو نظر بت خانہ نظر آتا ہے

مری رودادِ غم مسعودؔ سن کر ہنس کے وہ بولے

تجھے اس کے علاوہ بھی کوئی افسانہ آتا ہے