پھر حوصلہ وفا کو ہوا ہے دعا کرے

پھر حوصلہ وفا کو ہوا ہے دعا کرے

ظالم جفا سے باز نہ آئے خدا کرے

مقتول صد نگاہ تمنا ہے دل مرا

اس کو کہاں ملک کوئی لے مدعا کرے

صد گو نہ حد حصر سے افزوں ہے شوق دل

کیا عمر خضر کو کوئی صرفِ دعا کرے

پھر دیدہ و جگر میں ہیں باہم یہ چشم گیں

تیر نگاہ یار کہاں دیکھیں جا کرے

پھر تیغ ناز ڈھونڈھتی ہے سینہ و جگر

تیرِ نگہ کو دہن ہے کہ پھر دل میں جا کرے

پھر جیب کو ہوس ہے کہ ہو یوں وہ تار تار

ممنون بخیہ گر نہ طبیعت ہوا کرے

ان رزون جوش پر ہے پھر اشک واں کی

پھر ہے جنوں کو حکم کہ محشر بپا کرے

پھر عشق چاہتا ہے کہ ترے آستانہ پر

با منت و نیاز مجھے جبہہ سا کرے

میرے غبار کو ہے خیالِ عروج پھر

تا زیر بار منتِ دوشِ صبا کرے

پھر امتحان جذبہ دل کو چلی ہے یاس

نا مہربان ہو وہ بتِ کافر خدا کرے

دستِ جنون نے آج چڑھائی پھر آستین

پیراہنِ خرد کی حفاظت خدا کرے

پھر میرے سر پہ کھیل رہی ہے اجل میری

شمشیر ناز تن سے مرا سر جدا کرے

کیا پر ہے میکشی کا تہیہ جناب مستؔ

زاہد سے کہہ دو ابر کی اس دم دعا کرے