mera dil jis ki surat par fida hai

mirā dil jis kī sūrat par fidā hai

abhī tak mujh se vo nā-āshnā hai

maiñ tujh meñ apnā chehra dekhtī huuñ

ye terā husn hai yā ā.īna hai

tirā dīdār hī jān-e-mohabbat

mire zaḳhm-e-tamannā kī davā hai

mire dil ko ho ḳhauf-e-gum-rahī kyuuñ

mirī nazroñ meñ terā naqsh-e-pā hai

jise maiñ zindagī gardāntī huuñ

zamāne kī tarah vo be-vafā hai

ḳhudā hī jaane us kā hai sabab kyā

vo mujh se āj-kal rūThā huā hai

mirā dil kis tarah us ko bhulā.e

mohabbat ḳhūbsūrat hādisa hai

maiñ us ko dekhtī huuñ kis nazar se

mujhe vo kis nazar se dekhtā hai

sukūn-e-dil vahī hai kyā karūñ maiñ

mire jazbāt se jo kheltā hai

ye merī shā.irī ai jān-e-jānāñ

mire TuuTe hue dil kī sadā hai

mera dil jis ki surat par fida hai

abhi tak mujh se wo na-ashna hai

main tujh mein apna chehra dekhti hun

ye tera husn hai ya aaina hai

tera didar hi jaan-e-mohabbat

mere zaKHm-e-tamanna ki dawa hai

mere dil ko ho KHauf-e-gum-rahi kyun

meri nazron mein tera naqsh-e-pa hai

jise main zindagi gardanti hun

zamane ki tarah wo be-wafa hai

KHuda hi jaane us ka hai sabab kya

wo mujh se aaj-kal ruTha hua hai

mera dil kis tarah us ko bhulae

mohabbat KHubsurat hadisa hai

main us ko dekhti hun kis nazar se

mujhe wo kis nazar se dekhta hai

sukun-e-dil wahi hai kya karun main

mere jazbaat se jo khelta hai

ye meri shairi ai jaan-e-jaanan

mere TuTe hue dil ki sada hai