مرا دل جس کی صورت پر فدا ہے

مرا دل جس کی صورت پر فدا ہے

ابھی تک مجھ سے وہ نا آشنا ہے

میں تجھ میں اپنا چہرہ دیکھتی ہوں

یہ تیرا حسن ہے یا آئینہ ہے

ترا دیدار ہی جان محبت

مرے زخم تمنا کی دوا ہے

مرے دل کو ہو خوف گم رہی کیوں

مری نظروں میں تیرا نقش پا ہے

جسے میں زندگی گردانتی ہوں

زمانے کی طرح وہ بے وفا ہے

خدا ہی جانے اس کا ہے سبب کیا

وہ مجھ سے آج کل روٹھا ہوا ہے

مرا دل کس طرح اس کو بھلائے

محبت خوب صورت حادثہ ہے

میں اس کو دیکھتی ہوں کس نظر سے

اپنے وہ کس نظر سے دیکھتا ہے

سکون دل وہی ہے کیا کروں میں

مرے جذبات سے جو کھیلتا ہے

یہ میری شاعری اے جان جاناں

مرے ٹوٹے ہوئے دل کی صدا ہے